Нурсултон Рўзибоев: "Кам гапириб, ишни қиладиган спортчи" (+ФОТО)

Лиганинг енгил вазн тоифасидаги собиқ чемпиони Достон Бозоров асосий кард доирасида бразилиялик Тиаго Сильвани биринчи раунднинг ўзидаёқ техник нокаутга учратди. Бу Бозоровнинг ММАдаги 13-ғалабаси бўлди. Сильва эса 18-мағлубиятини қабул қилиб олди. Ҳисобидаги ғалабалари сони 27 талигича қолди.   

Нурсултон Рўзибоев кечаги ғалабаси билан Достонни табриклаб, инстаграм сторис саҳифасида қизиқ фикрлар қолдирди. 

"Ука, табрик. Давомий бўлсин. Кам гапириб, лекин ишини билиб қиладиган спортчи", дея ёзди Рўзибоев. 

Шунингдек, Нурсултон мухлисларга ҳам мурожаат қилди: "Кўзингларни очинглар. Кимни поддержка (қўллаб-қувватлаш) қилишни билинглар. Гапиришни ҳамма билади".

"Ютгандаям, ютказганда ҳам бир хил гапиришни ўрганинглар. Ютганда кариллаб, ютказганда сувга тушган мушукка ўхшамасдан", дея изоҳ ёзган UFC`даги жангчимиз.