19 июн 08:59
Янгиликлар

Бокс/ММА

Нурсултон Рўзибоев: "Менга жанг беринглар, илтимос!"

Ўрта вазн тоифасида ўзбекистонлик аралаш яккакураш устаси Нурсултон Рўзибоев Instagram'даги саҳифасига янги пост жойлади.

АҚШда бўлиб турган ҳамюртимиз менежер ва промоутерларидан жанг сўраб, мурожаат йўллаган:

"Бугун ёки эртага, ҳар доим мен тайёрман, илтимос, менга жанг беринглар!", - дея Дана Уайт, Али Абдел-Азиз ва бошқаларга мурожаат қилган Рўзибоев.

Али Абдел-Азиз эса ушбу постга жавобан "Сенинг вақтинг келади, оғайни", - деб ёзган.

Эслатиб ўтамиз, Нурсултон Рўзибоев 2022 йилда АҚШга бориб, Dominance MMA менежерлик компанияси билан шартнома имзолаган эди. Dominance MMA компаниясига айнан Али Абдел-Азиз раҳбарлик қилади.

Айни пайтда Рўзибоевнинг бошқа промоушен билан шартномаси бор. Айнан шу омил унинг UFC промоушени билан шартнома имзолашига тўсқинлик қилмоқда.