Нурсултон Рўзибоев Хабиб билан муносабати ҳақида гапирди

Аралаш яккакураш устамиз россиялик ҳамкасбларимиз билан суҳбатда Нурмагомедовлар билан муносабатига ҳам тўхталиб ўтди.

"Мен Хабибнинг мухлиси бўлганман. У билан Ўзбекистонга келганида ва аксинча мен Доғистонга борганимда кўришганмиз. Лекин ижтимоий тармоқларда ҳеч қачон салом-алик қилиб ёзишмаганмиз. Аммо мени қаерда кўрса ҳам саломлашади. Яъни, Хабиб мени тўғридан-тўғри танийди. 2019 йилда Хабиб отаси билан бирга Тошкентда ўтказилган турнирга келишганди. Мусобақадан ташқари Абдулманап Нурмагомедов ёшларга, хусусан бизга ўзининг қимматли маслаҳатларини берганди. Табиийки, мен у кишидан мотивация олганман", — деди Рўзибоев.