01 май 11:17
Янгиликлар
Бокс/ММА
Нурсултон Рўзибоев Хамзат Чимаев — Шон Стрикленд жангига тахмин билдирди
Ўзбекистонлик UFC жангчиси Нурсултон Рўзибоев БАА вакили Хамзат Чимаев ва америкалик Шон Стрикленд ўртасидаги ўрта вазн чемпионлик жанги ҳақида гапирди.
"Менинг ўзим Шон Стрикленд билан спарринг тушганман. У анча бақувват, вазни оғир ва яхшигина босим ўтказа олади. Лекин барибир Хамзат уни тезда ерга йиқитиб, ишни осонликча битиради деб ўйлайман. Хамзат ҳамма томонлама кучли: кураши ҳам, "стойка"си ҳам, жисмоний ҳолати ва чидамлилиги ҳам жойида. Ҳозир айнан унинг даври, Чимаевни шунчаки тўхтатиб бўлмайди. Стриклендда унга қарши имконият деярли йўқ", деди Рўзибоев.
"Борз" чемпионлик камарини ҳимоя қиладиган ўрта вазн тоифасидаги чемпионлик жанги 9 май куни Ньюаркда бўлиб ўтадиган UFC 328 турнирининг асосий воқеасига айланади.
Ҳавола :
Манба : olamsport.com
Фикрлар