17 фев 13:36
Янгиликлар
Бокс/ММА
Нурсултон Рўзибоевнинг ҳибсга олинган рақиби Седрик Дюманинг тақдири маълум. Жанг бекор бўлиши мумкинми?
13 февраль куни ўрта вазн тоифасида америкалик UFC жангчиси Седрик Дюма Флорида штатида полиция томонидан қўлга олинган эди.
Воқеага кўра, Седрик Дюма бегона шахс истиқомат қилувчи уй қўнғироғини чалгани ва эшигини тақиллатгани учун ўша уйда яшовчи аёл полицияга мурожаат қилган.
Маълум бўлишича, 28 ёшли спортчи ҳозирда полиция томонидан гаровсиз ушлаб турилибди. Унинг суди 5 март куни ўтказилиши режалаштирилган.
Қизиғи, Дюма бунгача ҳам бир неча маротаба судланган бўлиб, унга дўкон ўғрилиги, ўлимга олиб келувчи қуроллар сақлаш ва шунга ўхшаш айблар қўйилган.
Эслатиб ўтамиз, 30 март куни ҳамюртимиз Нурсултон Рўзибоев UFC'даги иккинчи жангини айнан Седрик Дюмага қарши ўтказиши керак. Аммо АҚШ ОАВларининг хабар беришича, Дюманинг юридик муаммолари бўлажак жангга ҳалал бериш эҳтимоли юқори.
Ҳавола :
Манба : olamsport.com
Фикрлар