07 окт 22:17
Янгиликлар

Бокс/ММА

Нурсултон Рўзибоевнинг Ринат Фахретдиновга қарши жанги бекор бўлгани ҳақида хабарлар тарқалмоқда

26 октябрь куни Бирлашган Араб Амирликларининг Абу-Даби шаҳрида UFC 308 мусобақаси бўлиб ўтади.

Мусобақа доирасида ярим ўрта вазнли ўзбекистонлик аралаш якка кураш устаси Нурсултон Рўзибоев Россия вакили Ринат Фахретдиновга қарши октагонга чиқиши керак эди.

Бироқ "Вестник ММА" нашрининг маълум қилишича, Нурсултон жанг олдидан жароҳат олган ва унинг Фахретдиновга қарши жанги бекор қилинган.

UFC айни дамда Ринатга янги захира рақиби излаётгани айтилади.

Бу Рўзибоев учун UFC'да бекор бўлаётган иккинчи жанги ҳисобланади. Аввалроқ, унинг бразилиялик Кайо Борральо билан беллашуви ҳам ўтказилмаганди.

Нурсултоннинг ўзи ҳозирча вазиятга муносабат билдирмади.