Одилжон Аслоновнинг навбатдаги рақиби маълум, у Головкиннинг собиқ рақиби билан жанг қилади

Бу ҳақида боксчимиз Olamsport.com сайти муҳбири билан суҳбатда маълум қилди. 

Унга кўра Аслонов 21 март куни Владикавказда ўтказиладиган жанг оқшомида угандалик Кассим Оумага қарши рингга кўтарилади. Маълумот учун, Оума шу кунгача проф боксда 44 та жанг ўтказган ва уларнинг 29 тасида ғалаба қозонган (18 та нокаут). 14 маротаба мағлуб бўлган (3 та нокаут). 1 та дурангга эришган. 

Қайд этиш лозимки, у 2017 йили WBA камари учун Геннадий Головкинга қарши рингга кўтарилган ва мағлуб бўлган. Бундан ташқари, 2013 йилда бошқа бир ҳамюртимиз Қувончбек Тойгонбоев билан ҳам тўқнаш келган ва ғалаба қозонган. 

Одилжон Аслонов эса проф боксда 2 маротаба жанг қилиб, уларнинг ҳар иккисида ҳам ғалаба қозонган. У жангларининг бирида рақибини нокаут эвазига ҳам мағлуб этишни уддалаган. 

Маълумот учун, ўша кунги жанг оқшомида бошқа бир боксчиларимиз Шукуржон Раҳимов ҳамда Улуғбек Мубиновлар ҳам рингга кўтарилади.