10 июл 13:59
Янгиликлар

Бокс/ММА

Одилхон Alash Pride'да жанг қилади

Ўзбекистонлик поп-ММА жангчиси Одилхон Камоловнинг кейинги чиқиши ҳақида маълумот берилди.

Унга кўра, ҳамюртимиз 25 июль куни Қозоғистоннинг Шимкент шаҳрида ташкил этиладиган ММА бўйича Alash Pride FC 110 турнири доирасида октагонга кўтарилади. Камоловга ўша куни Тожикистон вакили Муҳаммадризвон Қаҳҳоров рақиб бўлади.

Одилхон аслида, Octagon League жангчиси ҳисобланади. Бироқ у баҳорда Лига томонидан 6 ой муддатга дисквалификация қилиниб, бу вақт ичида бошқа турнирларда иштирок этишига тақиқ қўйганди.

Маълумот учун, Одилхон Камолов фаолияти давомида 10 та жанг ўтказиб, 6 та ғалаба ва 4 та мағлубиятни ўз ҳисобига ёздирган. Рақибнинг рекорди эса 3-5-0 кўринишида.