Оғир атлетика бўйича 2026 йилги Ўзбекистон чемпионати ўтказилди

Жорий йилги чемпионат илк бор Халқаро оғир атлетика федерацияси (IWF) томонидан жорий этилган янги 8+8 вазн тоифаси тизими асосида ташкил этилди. Шунингдек, миллий чемпионатлар тарихида биринчи марта спортчилар нафақат икки кураш (умумий натижа), балки алоҳида даст кўтариш ва силтаб кўтариш машқлари бўйича ҳам медаллар билан тақдирланди.

Мусобақада Республиканинг барча ҳудудларидан қарийб 300 нафар спортчи иштирок этди.

Жамоавий ҳисоб натижаларида умумжамоа ҳисобида Хоразм вилояти терма жамоаси 14 та медаль билан (5 та олтин, 3 та кумуш, 6 та бронза) биринчи ўринни эгаллади ва мусобақанинг мутлоқ ғолибига айланди.