Оғир атлетика бўйича илк халқаро онлайн мусобақа ўз якунига етди

Бугун тонгда ўз ниҳоясига етган Оғир атлетика бўйича ташкил қилинган карантин давридаги илк халқаро онлайн мусобақада ўзбекистонлик атлетлар ҳам муносиб иштирок этишди.

Маълумот учун, мусобақа Халқаро оғир атлетика федерациясининг олимпия стандартида оғир атлетика спорт жиҳозларини ишлаб чиқарувчи ZKC ташкилоти ҳамда Америка қитъаси оғир атлетика федерацияси билан ҳамкорликда  ташкил этилди

Қувонарлиси, унда қатнашган вакилларимиз Сарвар Зафаржонов (-89 кг), Фарҳод Собиров (-102 кг) ва Акбар Жўраев (-109 кг) ўз вазн тоифаларида биринчи ўринни қўлга киритдилар. Вакилларимиз қайд этган натижалар билан танишинг:

-89 кг: Сарвар Зафаржонов – 357 кг (162 кг + 195 кг)
-102 кг: Фарҳод Собиров – 355 кг (165 кг + 190 кг)
-109 кг: Акбар Жўраев – 410 кг (190 кг + 220 кг)

Шу тариқа мусобақада қатнашган барча атлетларимиз совринли ўринларни эгаллашди. Терма жамоамиз аъзоларининг 4 нафари ўз вазн тоифаларида энг яхши натижани қайд этган бўлса, 2 полвонимиз иккинчи, яна бир вакилимиз учинчи ўринни эгаллади. Батафсил:

1-ўрин:
Турсуной Жабборова (-81 кг)
Сарвар Зафаржонов (-89 кг)
Фарҳод Собиров (-102 кг)
Акбар Жўраев (-109 кг)

2-ўрин:
Нигора Абдуллаева (-55 кг)
Адҳамжон Эргашев (-73 кг)

3-ўрин:
Кумушхон Файзуллаева (-71 кг)