Оғир атлетика бўйича Осиё чемпионатида умумжамоа ҳисобида биринчи бўлдик!

Қувонарли томони, ушбу баҳсларда спортчиларимиз ўғил болалар ўртасида ҳам, қизлар ўртасидаги беллашувларда ҳам умумжамоа ҳисобида биринчи ўринни эгаллашди.

Эътиборингизга қитъа биринчилигида совриндор бўлган спортчиларимиз рўйхатини тақдим этамиз:

Ўсмирлар:

Олтин:

-77кг: Муҳаммадқодир Тоштемиров

-85кг: Алишер Раджапов

-44кг: Нигора Абдуллаева

-63кг: Кумушхон Файзуллаева

-75кг: Турсуной Жабборова

+75кг: Долера Давронова

Кумуш:

+94кг: Саидмухтор Саидаҳроров

-48кг: Зуҳра Отажонова

-58кг: Шаҳлохон Абдуллаева

-69кг: Зарнигор Абдураҳмонова

Бронза:

-69кг: Асадбек Наримонов

+75кг: Шодмоной Очилова

Шу тариқа ўсмирларимиз 6та олтин, 4та кумуш ва 2та бронза медалларини қўлга киритдилар.

Ёшлар ўртасидаги мусобақаларда эса натижалар қуйидагича кўриниш олди:

Олтин:

-85кг: Зайнобиддин Маҳамамадаминов

-105кг: Акбар Жўраев

-75кг: Турсуной Жабборова

-63кг: Кумушхон Файзуллаева

Кумуш:

-69кг: Адҳамжон Эргашев

-77кг: Умирбай Мавленов

-75кг: Гулноза Аҳмадова

+90кг: Долера Давронова

Бронза:

-69кг: Бозоргул Рамбергенова

Ёшлар ўртасида ўтказилган беллашувларда эса вакилларимиз 4та олтин, 4та кумуш ва 1та бронза медалига сазовор бўлишди. Умумжамоа ҳисобида атлетларимиз қитъа чемпионатини биринчи ўринда якунладилар.

Маълумот учун, ушбу Осиё чемпионатида ўтган йилги лицензион мусобақада йўлланма қўлга кирита олмаган мамлакатлар Олимпия ўйинлари учун лицензия ютиб олдилар. Ўғил болалардан Туркманистон, Ҳиндистон, Саудия Арабистони ҳамда Қирғизистон терма жамоалари, қизлар ўртасида эса Япония, Хитой Тайпейи, Ҳиндистон ва Мўғулистон терма жамоалари Буэнос-Айрес лицензиясини Урганчда якунига етган Осиё чемпионатида қўлга киритдилар.