16 сен 07:52
Янгиликлар
Оғир атлетика
Оғир атлетика бўйича Ўзбекистон кубогида жаҳон рекорди ўрнатилди
Шу кунларда Хоразм вилоятининг Урганч шаҳрида оғир атлетика бўйича ёшлар ўртасида Ўзбекистон кубоги ўтказилмоқда.
Эркаклар ўртасида -89 кг вазн тоифасида ғолибликни қўлга киритган Чирчиқ Олимпия ва паралимпия спорт турларига тайёрлаш маркази ўқувчиси Бекзодбек Ғофуржонов силтаб кўтаришда 194 кг натижа қайд этди.
Эътиборлиси, Ғофуржонов бу орқали ушбу вазн тоифасида мисрлик Маҳмуд Ҳассан томонидан 2022 йилда ўрнатилган ўсмирлар ўртасидаги жаҳон рекордини (193 кг) бир килограммга янгилашга муваффақ бўлди.
Эслатиб ўтамиз, Бекзодбек Ғофуржонов жорий йил Перу давлатида бўлиб ўтган ўсмирлар ўртасидаги жаҳон чемпионатида даст кўтариш машқида бронза (141 кг), силтаб кўтаришда кумуш (183 кг) ва иккикураш натижаларига кўра бронза (324 кг) медални қўлга киритган эди.
Ҳавола :
Фикрлар