Оғир атлетика. Бугун уч нафар спортчимиз ЖЧда ўз имкониятини синаб кўради

Қизлар ўртасида -69кг вазн тоифасида баҳслар ташкил қилинади. Унда "B" гуруҳида Лайлохон Хурсанова супачага чиқса, "А" гуруҳида Бозоргул Рамбергенова медаллар учун курашади. Эркаклар ўртасидаги беллашувларда эса -85кг вазн тоифасида Зайнобиддин Маҳамадаминов юртимиз шарафини ҳимоя қилади. У "B" гуруҳида ўз омадини синаб кўради.

Эслатиб ўтамиз, мусобақа давомида йигитлар ўртасида -62 кг вазн тоифасида Адҳамжон Эргашев ҳар уччала йўналишда (даст кўтариш, силтаб кўтариш ва умумий натижа) олтин медалга сазовор бўлиб, ёшлар ўртасида жаҳон чемпионлигига эришганди. Кеча эса қизлар ўртасидаги баҳсларда Кумушхон Файзуллаева бронза (даст кўтариш) ва иккита олтин (силтаб кўтариш ва иккикураш) медални қўлга киритди. Шунингдек, -77кг вазн тоифасида Ғайрат Айтмуратов даст кўтариш бўйича бронза медалини терма жамоамиз ҳисобига қўшиб қўйди.