Оғир атлетика. Жаҳон чемпионатидаги иштирокимизни Нигора Абдуллаева бошлаб берди

Ҳамюртларимизнинг иштирокини -55 кг вазн тоифасидаги атлетимиз Нигора Абдуллаева бошлаб берди. Нигора даст кўтаришда 86 кг, силтаб кўтаришда 106 кг натижа қайд этиб, икки курашда 192 кг билан мусобақани олтинчи ўринда якунлади. 

Кутилганидек, ушбу вазнда олтин медаль Токио-2020 чемпиони филиппинлик Хидилин Диасга насиб этди. Мезбонлар вакиласи Росалба Моралес кумуш, мексикалик Ана Лопес бронза медалига сазовор бўлди. 

Оғир атлетика бўйича ЖЧ. Аёллар, -55 кг:

1. Хидилин Диас (Филиппин) – 207 (93+114) кг

2. Росалба Моралес (Колумбия) – 199 (89+110) кг

3. Ана Лопес (Мексика) – 198 (90+108) ...

6. Нигора Абдуллаева (Ўзбекистон) – 192 (86+106) кг

Терма жамоамиз вакилларининг кейинги иштироки 9-декабрь санасига белгиланган бўлиб, унда Адҳамжон Эргашев ҳамда Достон Ёқубов -67 кг вазн тоифасида медаллар учун супага чиқишади.