Оғир атлетика. ЖЧ вақтида Тошкентда яна қандай тадбирлар ўтказилади?

3-14 июль кунлари “Ўзбекистон” спорт мажмуасида оғир атлетика бўйича ёшлар ўртасидаги жаҳон чемпионати бўлиб ўтади. 

Мусобақага 7 июль куни старт берилади. Унгача, одатдагидек, Халқаро оғир атлетика федерацияси йиғилишлари режалаштирилган.

Мусобақа олди тадбирларнинг барчаси “Интернешнл Ташкент” (аввалги “Интерконтинентал”) меҳмонхонаси Мажлислар залида ўтказилади.

1. ХОАФ қўмиталари (Техник, Илмий тадқиқотлар ва мураббийлар, )йиғилишлари. (3 июль куни соат 10.00 да бошланади)

2. ХОАФ Ижроия қўмитаси йиғилиши. Икки кунга мўлжалланган. (4-5 июль кунлари соат 10.00 да бошланади)

3. ХОАФ йиллик конгресси. (6 июль куни соат 10.00 да бошланади)

Баҳсларни 7 июль куни эрталаб 9.30 да 56 кг вазн тоифаси “С” гуруҳида қайд этилган атлетлар бошлаб беришади.

Чемпионатнинг тантанали очилиш маросими шу куни соат 15.00 га белгиланган.