Оғир атлетика. Катталар ўртасида ЖЧ: Вакилларимиз иштирок этадиган вақтлар маълум

Юртимизда бўлиб ўтиши режалаштирилган мусобақада дунёнинг 80га яқин мамлакатидан 400дан ортиқ спортчи “Юнусобод” спорт мажмуаси супачасига кўтарилиши кутилмоқда. 

Чемпионатга пухта тайёргарлик кўрган Ўзбекистон терма жамоаси таркибида Рио-2016 ва Токио-2020 чемпион ва рекордчилари Руслан Нурудинов (жаҳон рекорди ҳам унга тегишли) ва Акбар Жўраев ҳам иштирок этади. Шунингдек, Адҳамжон Эргашев, Достон Ёқубов, Муҳаммадқодир Тоштемиров, Сарварбек Зафаржонов ва яна бир қатор спортчиларимиз салоҳиятини намойиш қилишига ишонамиз. Аёллар терма жамоаси вакили, Токио Олимпиадаси рекродчиси Муаттар Набиева ушбу мусобақада иштирок этмайди, лекин бир қатор ёш спортчи қизларимиз дунёнинг энг кучли атлетлари билан курашда улкан тажриба орттиришади ҳамда бу уларга Париж-2024 йўлланмасини қўлга киритишда ас қотади деган умиддамиз.

Айни пайтда мусобақанинг барча расмий жараёнлари, шу қаторда иштирокчи ва уларнинг чиқиш вақтлари маълум бўлди.

Атлетларимизнинг мусобақада қатнашиш вақти билан таништириб ўтамиз:

Аёллар

-49 кг. Зуҳра Отажонова - 19:00 (8.12) 

-55 кг. Жамила Панфилова - 16:00 (9.12)

-71 кг. Кумушхон Файзуллаева - 19:00 (13.12)

-87 кг: Турсуной Жабборова - 19:00 (16.12)

Эркаклар

-67 кг. Адҳамжон Эргашев - 16:00 (10.12)

             Достон Ёқубов - 16:00 (10.12)

-81 кг. Муҳаммадқодир Тоштемиров 19:00 (12.12)

-89 кг. Отахон Имомов - 10:30 (13.12) (Б гуруҳ)

-89 кг. Сарварбек Зафаржонов - 16:00 (13.12)

-96 кг. Ҳожиакбар Олимов - 08:30 (14.12) (C гуруҳи)

-96 кг. Қурбонмурод Намозов - 13:00 (15.12)

-109 кг. Руслан Нурудинов - 16:00 (16.12)

                Акбар Жўраев - 16:00 (16.12)

+109 кг. Мирҳосил Мирзабоев - 08:00 (17.12) (C гуруҳ).

Ўзбекистон оғир атлетика федерацияси матбуот хизмати