Оғир атлетика. Тошкент биринчи марта ёшлар ўртасида жаҳон чемпионатига мезбонлик қилади

Бугунги кунги ҳолатга кўра, мусобақада ҳозирча жаҳоннинг 50 дан ортиқ мамлакат вакиллари иштирок этиши аниқ бўлиб улгурган. Ушбу рақам мусобақа бошлангангунга қадар кўтарилиши аниқ.

Шунингдек, чемпионат бошланиши арафасида пойтахтимиздаги “International hotel” меҳмонхонасида Халқаро оғир атлетика федерациясининг Ижроия Қўмитаси йиғилиши ва навбатдаги Конгресси бўлиб ўтади. Унда ташкилот президенти Томаш Айян ҳам иштирок этиши кутилмоқда. Ёшлар ўртасидаги жаҳон чемпионатига эса «Ўзбекистон» спорт мажмуаси мезбонлик қилади.

Терма жамоамиз мураббийлари мусобақада иштирок этадиган спортчиларимиз рўйхатини тақдим этишди. Унга кўра, атлетларимиз жаҳон чемпионатида қуйидаги таркибда қатнашадилар:

Йигитлар:

-62 кг: Муҳаммадали Каҳрамонов
-69 кг: Адҳамжон Эргашев
-69 кг: Ҳакимжон Шамсиддинов
-77 кг: Муҳаммадқодир Тоштемиров
-77 кг: Ғайрат Айтмуратов
-85 кг: Зайнобиддин Маҳамадаминов
-94 кг: Азимжон Хожиев
-105 кг: Акбар Жўраев,
-105 кг: Саидмухтор Саидаҳроров
+105 кг: Шахмердан Кемалов.

Қизлар:

-48 кг: Зуҳра Отажонова
-58 кг: Сайёра Есбергенова
-63 кг: Кумушхон Файзуллаева
-69 кг: Зарнигор Абдурахмонова
-69 кг: Лайлохон Хурсанова
-69 кг: Рамбергенова Базаргул
-75 кг: Гулноза Аҳмадова
-75 кг: Турсуной Жабборова
-90 кг: Долера Давронова
-90 кг: Шодмоной Очилова.

Терма жамоамиз аъзолари айни пайтда мусобақага жиддий тайёргарлик олиб бормоқдалар. Қизлар терма жамоамиз тайёргарликнинг сўнгги босқичини 13 июнь – 4 июль кунлари Қозоғистонда ўтказади. Эркаклар терма жамоаси эса 17 июнь – 8 июль кунлари Россияда ташкил қиладиган ўқув-машғулот йиғинларида иштирок этади.

Маълумот учун, 2013 йилги ўсмирлар ўртасидаги жаҳон чемпионати ҳам Тошкентда ўтказилганди. Унда дунёнинг 17 ёшгача бўлган энг сара полвонлари ғолиблик учун кураш олиб боришган. 20 ёшгача бўлган атлетлар ўртасидаги жаҳон чемпионатига эса мамлакатимиз пойтахти биринчи марта мезбонлик қилади.