Оғир атлетика. Турсуной Жабборова — жаҳонда тенгсиз!

Ҳозиргина -87 кг вазн тоифасида аёллар кураши якунланди. Ушбу вазнда юртимиз шарафини Турсуной Жабборова ҳимоя қилди. Ва айтиш мумкинки, спортчи қизимиз умидни тўлиқ оқлади. 

Жабборовага даст кўтаришда ҳам, силтаб кўтаришда ҳам тенг келадиган рақиб топилмади. Барча имкониятларидан унумли фойдаланган Турсуной даст кўтариш машқида энг яқин таъқибчисини 18 кгга ортда қолдирган бўлса, силтаб кўтаришда иккинчи ўринни қўлга киритган АҚШ термаси вакилидан 15 кг фарқ билан биринчи ўринни эгаллади. 

Шу тариқа, Турсуной Жабборова терма жамоамиз ҳисобига яна учта олтин медални қўшиб қўйди. 

Ёшлар ўртасида жаҳон чемпионати
Аёллар, -87 кг
1. Турсуной Жабборова (Ўзбекистон) - 244 (111 + 133) кг;
2. Элизабет Овенс (АҚШ) - 211 (93 + 118) кг;
3. Екта Жамали (Эрон) - 208 (92 + 116) кг.