31 июл 07:02
Янгиликлар

Оғир атлетика

Оғир атлетикачиларимиз кечанинг ўзида 6 та медалга эга чиқишди!

Ҳиндистонда ўтаётган оғир атлетика бўйича ўсмирлар ва ёшлар ўртасидаги Осиё чемпионатининг кечаги куни Ўзбекистон терма жамоаси учун муваффақиятли якунланди.

Унда юртдошларимиз 1 та олтин, 3 та кумуш ва 2 та бронза медалларига эга чиқишди.

-55 кг вазн тоифасидаги ўсмир қизлар баҳсида иштирок этган Зиёда Худойқулова даст кўтариш машқида 78 кг билан олтин, силтаб кўтаришда 88 кг ҳамда икки кураш бўйича 166 кг билан бронза медалларига сазовор бўлди.

Шунингдек, ушбу вазн тоифасида ёшлар ўртасидаги мусобақада Нигора Абдуллаева даст кўтаришда 80 кг, силтаб кўтаришда 101 кг ва умумий ҳисобда 181 кг натижа кўрсатиб, учта кумуш медални қўлга киритди.