Оғир атлетикачиларимиз учун кечаги кун янада сермаҳсул бўлди

Ёшлар тоифасида қатнашган Жўраева даст кўтаришда 85 кг, силтаб кўтаришда 105 кг ҳамда иккикурашда 190 кг билан барча дастурда 3-ўрнини эгаллади. Ўсмир қизлар баҳсида эса Ражабова даст кўтарсиш машқини 77 кг билан якунлаб, ушбу дастурда бронза медалини қўлга киритди. Спортчимиз силтаб кўтаришда 90 кг ва икки кураш натижасига кўра 167 кг билан 5-ўриндан жой олди.

Осиё чемпионатида -73 кг вазн тоифасининг баҳслари ҳам ҳамюртларимизнинг бенефисига айланди. Боиси ушбу дастурдаги чиқишлари билан ҳам ўсмирлар, ҳам ёшлар тоифасида қатнашган полвонларимиз 9 та медалга сазовор бўлишди.

Ўсмирлар ўртасида кечган беллашувда Ҳикматилло Ҳайдаров даст кўтаришда 127 кг, силтаб кўтаришда 160 кг ва икки курашда 287 натижа кўрсатиб, мутлақ чемпионликни тантана қилди. Шунингдек, мазкур йўналишда иштирок этган Исроилбек Исмоилов умумий ҳисобда 264 (116+148) кг билан билан 3 та бронза медалига эга чиқди. Ёшлар тоифасида қатнашган Абдулазиз Алимжонов эса икки кураш бўйича 293 (133+160) кг билан барча йўналишларда кумуш медалларга сазовор бўлди.