31 окт 09:30
Янгиликлар
Оғир атлетика
Оғир атлетикачиларимиздан олтин медаллар
Жанубий Кореянинг Янггу шаҳрида оғир атлетика бўйича Осиё Кубоги ҳамда клублар ўртасидаги Осиё чемпионати баҳслари бошлангани хақида хабар бериб ўтгандик.
Бугун, мусобақанинг иккинчи кунида -58 кг. вазн тоифасида чиқиш қилган Муаттар Набиева даст кўтаришда 91 кг, силтаб кўтаришда 106 кг, умумий 197 кг. натижа билан Осиё кубогида олтин медалга сазовор бўлди. Демак, Муаттар Осиё кубоги ҳамда клублар ўртасидаги Осиё чемпионатида делегациямиз ҳисобига дастлабки олтин медални келтирди.
Бугун шунингдек,
эркаклар ўртасида 77 кг. вазн тоифасида иштирок этган Сарвар Тоштемиров
даст кўтаришда 143 кг, силтаб кўтаришда 168 кг, умумий ҳисобида 311 кг.
оғирликни ўзига бўйсундириб, олтин медаль соҳибига айланди. Натижада
мусобақанинг биринчи кунида кумуш ва бронза медалларига эга чиққан
ўзбекистонлик атлетлар бугун делегациямиз ҳисобига бир йўла иккита олтин
медални қўшиб қўйишди.
Эслатиб ўтамиз,
мусобақанинг биринчи кун натижаларига кўра эркаклар ўртасида 56 кг. вазн
тоифасида Муҳаммадали Қахрамонов даст кўтаришда 111 кг, силтаб
кўтаришда 145 кг. оғирликни ўзига бўйсундириб, умумий 256 кг. натижаси
билан бир йўла олтита кумуш медалларини қўлга киритганди. ( 3та кумуш
Осиё Кубогида, яна 3 та кумуш клублар ўртасидаги қитъа чемпионатида).
Хотин-қизлар ўртасида
48 кг. вазн тоифасида чиқиш қилган Махлиё Тоғоева эса даст кўтаришда 68
кг, силтаб кўтаришда 87 кг, иккикурашда умумий 155 кг. натижа билан
бронза медалига эга чиққан ва терма жамоамиз ҳисобига учта бронза
медалини қўшиб қўйганди.
Маълумот учун,
мусобақалар 2 ноябрга қадар давом этади. Эртага, 31 октябрь санасида
аёллар ўртасида 63 ҳамда 69 кг. вазн тоифаларида беллашувлар ўтказилса,
эркаклар ўртасидаги баҳслар 77 кг. вазн тоифасида ташкил этилади.
Мусобақалар давом этади.
Ҳавола :
Манба : olympic.uz
Фикрлар