01 июл 11:32
Янгиликлар
Оғир атлетика
Оғир атлетикачимиз ЖЧда олтин медални қўлга киритди!
Оғир атлетика бўйича 2014 йили Хитойнинг Нанкин шаҳрида ўсмирлар ўртасида ўтказилган Олимпиада ўйинларида кумуш медалга сазовор бўлган Фарҳод Собиров (-94 кг) шу кунларда Грузия пойтахти Тбилиси шаҳрида 20 ёшгача бўлган спортчилар ўртасида ўтказилаётган жаҳон биринчилигида олтин медални қўлга киритди.
Даст кўтаришда 170 кг, силтаб кўтаришда эса 203 кг. натижани қайд этган Фарҳод иккикураш якунига кўра 373 кг. натижа билан биринчи ўринни эгаллади.
Шу тариқа, мазкур жаҳон биринчилигида ҳамюртларимиз 1 та олтин, 3 та кумуш ва 3 та бронза медалига сазовор бўлдилар.
Эслатиб ўтамиз, Фарҳод Собировга қадар
Шаҳзод Худойберганов (-77 кг) кумуш медаль соҳиби бўлган бўлса, Муаттар
Набиева бир йўла учта бронза медалини қўлга киритганди.
Ҳавола :
Фикрлар