09 июл 20:09
Янгиликлар
Оғир атлетика
Оғир атлетикачимиз Осиё чемпионатида мутлақ чемпион бўлди
Қозоғистоннинг Астана шаҳрида оғир атлетика бўйича ўсмирлар ва ёшлар ўртасидаги Осиё чемпионати давом этмоқда.
Ўзбекистон оғир атлетика федерацияси матбуот хизматининг хабар беришича, ҳамюртимиз Қудратбек Салимжонов Осиё чемпионатида яна бир бор ўз сўзини айтди. Истеъдодли полвонимиз даст кўтаришда — 169 кг, силтаб кўтаришда — 191 кг, икки кураш натижасига кўра 360 кг тошни ўзига бўйсундирган ҳолда 3 та олтин медални қўлга киритди!
Маълумот ўрнида айтиб ўтамиз, Қудратбек жорий йилда Перу пойтахти Лима шаҳрида бўлиб ўтган ёшлар ва ўсмирлар ўртасидаги жаҳон чемпионатида даст кўтариш машқида 167 кг натижа билан бронза медални қўлга киритган эди. Осиё чемпионатида эса у ўз натижасини яхшилаб, жаҳон майдонидаги тажрибасини яна бир бор исботлади.
Ҳавола :
Фикрлар