Оғир вазн вакили Арсланбек Махмудов WBA камарини қўлга киритди

Оқшомнинг асосий жанги супероғир вазн тоифасида ўтказилиб, унда россиялик Арсланбек Махмудов британиялик Дэвид Алленга қарши рингга кўтарилди. Жанг тўлиқ 12 раунд давом этди ва унда Махмудов ҳакамларнинг якдил қарори билан очколар ҳисобига кўра ғалаба қозонди - 115–111, 116–110, 117–109.

Бу ғалаба россиялик боксчига WBA Inter-Continental камарини тақдим этди. Махмудов проф рингдаги 21-ғалабаси (19 таси муддатидан аввал)ни қўлга киритди. Ҳисобидаги мағлубиятлари 2 талигича қолди. Арслонбек шу йилнинг июнь ойида Рикардо Браунни биринчи раунддаёқ нокаутга учратган эди. 

Дэвид Аллен эса бундан аввалги жангини шу йилнинг май ойида Жонни Фишерга қарши ўтказиб, рақибини бешинчи раундда техник нокаут эвазига таслим этганди. Унинг ҳисобида 24 ғалаба (19 нокаут), 8 та мағлубият ва 2 дуранг бор.