06 янв 12:17
Янгиликлар

Теннис

Окленд (WTA). Свитолина бош соврин учун кортга чиқади

Янги Зеландиянинг Окленд шаҳрида теннис бўйича WTA турнири давом этмоқда.

Дунёнинг 25-ракеткаси бўлиб турган Элина Свитолина мусобақанинг илк финалчисига айланди. Украиналик теннис маликаси 1/2 финалда WTA рейтингида 71-поғонадан жой олган хитойлик Сю Ван устидан иродали ғалабага эришди - 2/6, 6/4, 6/3.

Бу теннисчиларнинг ўзаро ўтказган илк учрашуви эди. Икки соату 11 дақиқа давом этган баҳсда Свитолина 6, Ван 2 та эйс зарбасини амалга оширган. Брейклар сони ҳар икки теннисчида ҳам 4 тани ташкил этди.