"Октагондан ташқарида UFC’дагидан ҳам кўпроқ даромад топмоқда". Хирн Том Аспиналл ҳақида гапирди

"Ҳозир Том UFC октагони ташқарисидаги реклама шартномаларидан октагон ичидагидан ҳам кўпроқ пул ишлаяпти. У тижорий жиҳатдан етти хонали маблағларни жалб қилишга улгурди — DAZN билан келишув, Cloudbet билан шартнома, бугун эълон қилиниши кутилаётган яна бир ҳамкорлик, медиа чиқишлар ва унинг подкасти.

Унинг ижтимоий тармоқлардаги кўрсаткичлари ва подкасти аудиторияси жуда катта рақамларни кўрсатмоқда.

Аммо шу шов-шувлар орасида UFC ростеридаги энг кўп муҳокама қилинаётган жангчилардан бири бор — бу Том Аспиналл. Бу факт. Ҳа, биз уни тарғиб қилишимиз муҳим, бироқ UFC ҳам ўз ишини қиляпти, чунки уларнинг олдида катта жанг турибди: Сирил Ган — Том Аспиналл. Бу UFC ташкил қилиши мумкин бўлган энг йирик жанглардан бири.

Ҳозир Том Аспиналл UFC’нинг энг катта юлдузларидан бири ҳисобланади.

Аслида биз нафақат Том учун, балки UFC учун ҳам катта қиймат яратяпмиз. Чунки агар бу жанг амалга ошса, уларнинг қўлида ҳақиқий супер тўқнашув бўлади", — деди Хирн The Ariel Helwani Show YouTube каналида.