16 июл 14:41
Янгиликлар

Теннис

Ольга Данилович Бостадда чемпион бўлди

Швециянинг Бостад шаҳрида теннис бўйича WTA 125 тоифасига кирувчи турнир якунланди.

Бош соврин WTA рейтингида 94-поғонада бораётган Ольга Даниловичга насиб этди. Сербиялик теннисчи финал учрашувида дунёнинг 55-ракеткаси, америкалик Эмма Наваррони мағлубиятга учратди - 7/6(4), 3/6, 6/3.

Икки соату 29 дақиқа давом этган баҳсда Данилович ҳам, Наварро ҳам биттадан эйс зарбаси, еттитадан брейкни амалга оширишди. Бу уларнинг илк учрашуви эди. Бостаддаги муваффақиятли иштирок Даниловичга 160 рейтинг очкоси ҳамда 15,000 доллар мукофот пули келтирди.