Ўлим тўшагида ётган Бен Аскрен машғулотларга қайтди + ВИДЕО

"Менга бир-иккита кураш видеоларини жўнатишди ва мен ўзимни тутиб тура олмадим. Тўрт ой бурун ўлим тўшагида ётган эдим. Уч ой олдин бировнинг ёрдамисиз туролмасдим. Икки ой олдин ҳам ходуноклардан фойдаланардим. Сенинг баҳонанг нима? Ипларингни маҳкамроқ боғла - ишга кириш! Яна шуғулланиш имкониятига эга бўлганим ва жамоанинг оғир дамларда менга кўрсатган барча ёрдами учун чексиз миннатдорман", - деб ёзди Аскрен ижтимоий тармоқда биринчи машғулот видеосини жойлаб.

Июнь ойи бошида Бен Аскрен пневмониянинг оғир шакли билан касалхонага ётқизилган, тўрт ҳафта ўтгач, собиқ жангчи операция қилинган, июль ойи охирида эса америкалик тўрт марта клиник ўлим ҳолатида бўлганди. 

Эркин кураш бўйича АҚШ терма жамоасининг собиқ аъзоси, 41 ёшли Бен Аскрен 2019 йилда ММАдаги фаолиятини якунлаган, 2021 йилда эса блогер Жейк Полга бокс жангида нокаут билан ютқазганди. Фаолиятини якунлагач, америкалик мураббийлик фаолияти билан шуғулланган, шунингдек, YouTube’да таҳлилий подкаст олиб борган.