Олимжон Ҳикматов Туркия спорт курашлари раҳбари билан учрашди

Ушбу йиғин Украинанинг Киев шаҳрида бўлиб ўтадиган халқаро турнирга тайёргарлик вазифасини ўтаб беряпти. 

Эркин курашчиларимиз бош мураббийи Олимжон Ҳикматов йиғин доирасида Туркия спорт курашлари федерацияси раиси Муса Айдин билан учрашди. Учрашув чоғида ҳар икки давлат спорт кураши жамоаларининг машғулотлар жараёни, Токио Олимпиадаси йўлидаги лицензион турнирларга тайёргарлик каби масалаларда суҳбат қурилди. 

Мулоқот сўнггида Олимжон Ҳикматов Анқарада ўзбекистонлик эркин курашчиларнинг кўнгилдагидек машғулот ўтказишга яратилган шароитлар учун миннатдорлик белгиси сифатида Муса Айдинга эсдалик совғаси топширди.