Олимжон Назаров ва яна уч боксчимиз тарозига чиқди, бугун у Сеуда WBO камарини ҳимоя қилади + ФОТО

Биз учун аҳамиятлиси, бугунги бокс кечасида чарм қўлқоп усталаримиз ҳам ўз жангларини ўтказишади. Ўзбекистон, Япония. Жанубий Корея, Вьетнам ҳамда Филиппин боксчилари иштирокида 8 та жанг бўлиб ўтади.

Кечанинг андеркардида рингга чиқадиган Олимжон Назаров (30-25-5, 14 КО) WBО Оriental камарини ҳимоя қилади. Унинг рақиби филиппинлик Майкл Мендоза (14-11-1-1, 4 КО) бўлади. Кеча боксчилар тарозидан ўтиш маросимида ҳозир бўлишди ва белгиланган вазн меъёрини бажаришди.   

Боксчиларимиз иштирокидаги жанглар:

8 раундлик жанг

Равшанбек Шерматов (7-1, 2 КО) – Донг-Хо Кеум (6-3-2, 4 КО) (Жанубий Корея) 

Абдулазизбек Нажмиддинов (7, 6 КО) – Сунг-Хён Ким (4-2-2, 3 КО) (Жанубий Корея)

10 раунд

Абдурасул Исмоилов (9-1, 5 КО) – Моо-Хюн Ким (8-1, 3 КО) (Жанубий Корея)

12 раунд

Олимжон Назаров (30-25-5, 14 КО) – Майкл Мендоза (14-11-1-1, 4 КО) (Филиппин)

Бокс кечасининг марказий тўқнашуви аёллар ўртасида бўлиб ўтади. Унда кунчиқар юрт вакиласи Этсуко Тада (26-20-3-3, 7 КО) ўзига тегишли WBО камарини вьетнамлик Тху Нхи Нгуяндан ҳимоя қилади. Ушбу жанг 10 раундга мўлжалланган. Вьетнамлик даъвогар боксчи бўлажак жангга тайёргарликни Тошкентда ўтказган эди.