23 июн 15:27
Янгиликлар

Спорт курашлари

Олимпиада-2016 совриндори фаолиятини якунлади

Эндиликда эркин кураш бўйича Россия терма жамоасининг собиқ аъзоси Аниуар Гедуев фаолиятини якунлаганини эълон қилди.

Гедуев Рио-2016 Олимпиадасининг кумуш медали совриндори ҳисобланади.

"Спортчилик фаолиятимни якунлашга қарор қилдим. Умумий олганда, гиламда ўтказган йилларимдан кўнглим тўлди. Етти ёшимдан бери гиламда курашдим. Ўз вақтида кетишни ҳам билиш керак. Рио Олимпиадасидан кейин мусобақаларда умуман иштирок этмадим. Айни пайтда терма жамоада истеъдодли ёшлар жуда ҳам кўп. Уларга ҳам имконият бериш лозим. Мен барча курашчиларимизга фақат омад тилайман", – деди Гедуев.

Маълумот учун, 33 ёшли Аниуар Гедуев жаҳон чемпионатининг бронза (2015), икки карра Европа чемпиони (2013, 2014), Европа ўйинлари-2015 ғолиби ҳисобланади.