13 сен 15:46
Янгиликлар

Спорт курашлари, Бокс/ММА

Олимпиада чемпиони Гейбл Стивсон ММАда дебют қилди

Бугун АҚШнинг Миннесота штати Приор-Лейк шаҳрида аралаш яккакурашлар бўйича LFA 217 турнири бўлиб ўтди.

Оқшом доирасида эркин кураш бўйича Олимпиада чемпиони Гейбл Стивсон ММАдаги дебютини ўтказди. Америкалик номдор курашчининг рақиби ҳамюрти Брейден Петерсон бўлди. Жанг биринчи раунддаёқ якунланди. Стивсон рақибини ўз услубида, яъни партерда мағлубиятга учратди.

Стивесонни октагонга мураббий ва секундант сифатида икки вазнда собиқ UFC чемпиони Жон Жонс олиб чиқди. Жанг аввалида бир нечта зарбаларни ўтказиб юборганига қарамай, Гейбл Петерсонни тейкдаунга тушира олди ва кетма-кет зарбалар сериясидан кейин рефери жангни тўхтатди. Бу пайтда 1-раунднинг 1-дақиқаси 38-сонияси ўтиб бораётганди.

Эслатиб ўтамиз, 25 ёшли Стивсон 2020 йил Токиода бўлиб ўтган ёзги Олимпия ўйинларида эркин кураш бўйича олтин медални қўлга киритган эди.