Олимпиада чемпиони Руслан Нуриддинов терма жамоа сафида машғулотларни давом эттирмоқда

Ўзбекистон эркаклар терма жамоасининг Сочидаги йиғинида Олимпия ўйинлари чемпиони Руслан Нуриддинов ҳам иштирок этмоқда. Хабарингиз бор, Рио Олимпиадасидан сўнг Ўзбекистон оғир атлетика федерацияси Русланга 1,5 йиллик дам берганди. Ҳозирга келиб эса, у терма жамоа билан бирга Сочидаги йиғинларида иштирок этмоқда. Ўз вақтида жаҳон чемпионати ва Олимпия ўйинларида олтин медални қўлга киритган Русланнинг бугунги кундаги асосий мақсади Осиё ўйинлари ғолибига айланиш ҳисобланади. Ундан ташқари, терма жамоамизнинг бошқа аъзолари ҳам янги мавсум учун жиддий ҳозирлик кўришмоқда. 3 февраль куни бошланган йиғин 27 февралгача давом этади.

Эслатиб ўтамиз, йиғинда иштирок этаётган спортчиларимиз рўйхати қуйидагича кўриниш олган:

Фарҳодбек Собиров

Акбар Жўраев

Достон Ёқубов

Руслан Нуриддинов

Рустам Джангабаев

Адҳмажон Эргашев

Шаҳзод Худойберганов

Суннатилла Ўсаров

Муҳаммадқодир Тоштемиров

Саидмухтор Саидаҳроров


Мураббийлар: Баҳром Абдумаликов, Мансурбек Чашемов

Массажчи: Обиддин Муслимов


Шунингдек, қизларимиз ҳам янги мавсумга тайёргарликни давом эттиришмоқда. Қозон шаҳрида ўтказилаётган йиғинлар ҳам қизғин кечмоқда. 

Ўзбекистон аёллар терма жамоаси йиғинда қуйидаги таркибда иштирок этмоқда:

Муаттар Набиева

Омадой Отақўзиева

Шаҳлохон Абдуллаева

Кумушхон Файзуллаева

Нигора Сувонова

Турсуной Жабборова

Гулноза Аҳмадова

Долера Давронова

Зарнигор Абдураҳмонова

Нигора Абдуллаева

Зуҳра Отажонова

Бозоргул Рамберганова.

Қизларимиз мураббийлар Баҳром Мендибоев ва Маҳмуд Тоғаевлар қўл остида машғулотлар олиб боришмоқда. 6 февраль куни бошланган йиғин 27 январь куни ўз ниҳоясига етади.