Олимпиада лицензианти Жавраил Шапиев Каспийскдаги турнирда финалга чиқди

Али Алиев хотирасига бағишлаб ўтказилаётган мусобақа ўз тарихида 54-маротаба ташкил этиляпти. Турнирда эркин кураш бўйича терма жамоамиз аъзоси, Париж-2024 Олимпиадаси лицензианти Жавраил Шапиев ҳам муваффақиятли одимламоқда. 

86 кг вазн тоифасидаги беллашувларда қатнашаётган Шапиев 1/2 финалда чеченистонлик Абдулла Цацаевни 10:7 ҳисобида мағлубиятга учратди. Бугун у олтин медаль учун доғистонлик Муҳаммад-Тоҳир Ханиевга қарши гиламга чиқади.  

28-30 июнь, Каспийск. Финал жуфтликлари

57 кг. Азамат Тускаев (Сербия) — Муса Мехтиханов (Доғистон) 

65 кг. Начин Куулар (Қозоғистон) — Али Рагимзаде (Озарбайжон)

74 кг. Азнаур Таваев (Доғистон) — Магомет Карданов (Москва)

86 кг. Муҳаммад-Тоҳир Ханиев (Доғистон) — Жавраил Шапиев (Ўзбекистон) 

97 кг. Гаджимагомед Тажудинов (Доғистон) — Аслан Абакаров (Озарбайжон)