ОЛИМПИАДАГАЧА. Афинадаги Олимпиада Ўзбекистон учун қандай ўтган? (Мутолаа учун)

Делегациямиз вакиллари 15 та спорт туридан 69 нафар спортчи (51 нафар эркак, 18 нафар аёл) билан ўйинларда Ўзбекистон шарафини ҳимоя қилган.

Қайси спорт туридан неча нафар спортчи иштирок этган? 

Бокс - 9 нафар 

Эркин кураш - 5 нафар 

Юнон-рум кураши - 2 нафар 

Спорт гимнастикаси - 1 нафар 

Байдарка ва каноеда эшкак эшиш - 7 нафар 

Академик эшкак эшиш - 4 нафар 

Дзюдо - 6 нафар 

Енгил атлетика - 10 нафар

Сузиш - 15 нафар 

Ўқ отиш - 2 нафар 

Оғир атлетика - 3 нафар 

Стол теннис - 1 нафар 

Трамплиндан сакраш - 1 нафар

Велоспорт - 1 нафар 

Таэквондо - 2 нафар.

Совриндорлар 

Ўзбекистон ушбу Олимпия ўйинларида 2 та олтин, 1 та кумуш ва 2 бронза медални қўлга киритган. Эркин кураш бўйича оғир вазнда Артур Таймазов ҳамда юнон-рум курашидан 74 кг вазнда Александр Доктуришвили олтин медалга эга чиққан. Шунингдек, яна бир курашчимиз Магомед Ибрагимов 96 кг вазнда финалга қадар етиб бориб, якунда кумуш медални ўзиники қилган. Икки бронза медал бўлса боксчиларимиз Ўткирбек Ҳайдаров ва Баҳодиржон Султонов томонидан тақдим этилган. 

Ўзбекистон ушбу натижа билан медаллар жамғариш бўйича умумжамоа ҳисобида 35-ўринни банд этган. Рейтингнинг биринчи поғонасини АҚШ (36 та олтин, 39 та кумуш, 26 та бронза), иккинчи ўрнини Хитой (32 та олтин, 17 та кумуш, 14 та бронза) эгаллаган бўлса, кучли учликка эса Россия (25 та олтин, 25 та кумуш, 38 та бронза) якун ясаган.

Грецияда бўлиб ўтган Олимпия ўйинларида 201 та мамлакатдан 10625 нафар спортчилар 37 та спорт тури бўйича иштирок этган.

Ҳабиб Жўрабоев тайёрлади