13 апр 07:12
Янгиликлар

Бокс/ММА

Оливейра UFC'дан ҳайдалди

«Ковбой» Оливейра энди UFC жангчиси эмас.

Бразилиялик ярим ўрта вазнли Алекс «Ковбой» Оливейра энди дунёнинг энг яхши ММА лигаси жангчиси эмас. Бразилияликнинг UFC'дан четлатилиши ҳақида вазиятга яқин манбалар хабар беришди.

2015 йилнинг март ойида UFC'да дебют қилган 34 ёшли Алекс Оливейра ташкилот байроғи остида 22 та жанг ўтказиб, 11 та ғалаба ва 10 та мағлубиятга эга ва у иштирокидаги яна бир жанг натижа эълон қилинмасдан якунланган.

Айни дамда бразилиялик жангчи фаолиятида оғир дамларни бошдан кечирмоқда ва Шавкат Раҳмонов, Рэнди Браун, Нико Прайс ва Кевин Холландга ютқазиб, тўртта мағлубиятдан иборат сериясини давом эттирмоқда.