Оловли кечган Мелиқўзиев - Фулгхэм жангининг зарбалар статистикаси эълон қилинди + ФОТО

Оскар Де Ла Хойяга тегишли Golden Boy промоутерлик компанияси томонидан ташкил этилган ушбу турнирда 29 ёшли Бектемир Мелиқўзиев америкалик 28 яшар Дариус Фулгхэмга қарши рингга кўтарилди. Иккинчи ўрта вазн тоифаси WBA чемпионлик камари учун даъвогарлик мақомидаги жанг 12 раунд тўлиқ давом этди ва якунда чарм қўлқоп устамиз ҳакамларнинг якдил қарори билан ғалаба қозонди. Уччала ҳакам ҳам 114-112 ҳисобидаги ғалабани Бектемирга тақдим этган. 

Эътиборлиси, ҳар икки боксчи ҳам Golden Boy компанияси мижози ҳисобланади. Еттинчи раундда рефери Мелиқўзиевдан рақибини ушлаб қолгани учун очко олиб ташлади. Ҳамюртимизнинг сўнгги раундда Дариусни нокдаун ҳолатига тушириб қўйгани эса ғалабанинг асосий омилларидан бири бўлди. 

Қуйида 12 раундлик жанг якунлари бўйича зарбалар статистикаси эълон қилинди. Натижалардан кўриш мумкинки, жанг жуда ҳам яқин бўлган. Иккала боксчи ҳам жеб, куч билан йўналтирилган зарбалар статистикаси бўйича бир-биридан қолишмаган.