05 июл 11:23
Янгиликлар

Бокс/ММА

Олтиной Жаҳон кубоги совриндори, Навбаҳор 1/2 финалга чиқди

Қозоғистоннинг Астана шаҳрида бокс бўйича World Boxing Жаҳон кубоги давом эттирилади.

Мусобақанинг навбатдаги куни уч нафар боксчимиз ўз жангларини ўтказди. Энг оғир (+80 кг) вазндаги вакиламиз Олтиной Сотимбоева финал йўлланмаси учун кечган муросасиз жангда қозоғистонлик Елдана Талиповага ҳакамларнинг қарорига кўра 2:3 ҳисобида имкониятни бой бериб, Жаҳон кубогининг бронза медали билан тақдирланадиган бўлди.

-51 кг вазнда юртимиз шарафини ҳимоя қилган Сабина Бобоқулова 1/4 финалда финляндиялик Пила Каиво-Ожага 0:5 ҳисобида ютқазиб, мусобақадаги иштирокини якунлади. Навбаҳор Ҳамидова (-65 кг) эса бразилиялик Беатриз Оливейрани 5:0 ҳисобида енгиб, 1/2 финалга йўл олди.