24 авг 08:20
Янгиликлар

Теннис

Омонмуродова Артвинда ўзидан кучли теннисчини мағлуб этди

Туркиянинг Артвин шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 60 000 АҚШ долларини ташкил қилувчи мусобақада Оқгул Омонмуродова ҳам иштирок этяпти. Саралаш баҳслари орқали асосий тўрга йўлланма олган ҳамюртимиз илк даврада ҳам зафар қучди.

Омонмуродова бельгиялик Ан-София Местачни 4:6, 6:4, 6:1 ҳисобида мағлуб этди. Оқгул дунё рейтингида 428, Ан-София эса 297-ўринни эгаллаб турибди. Ҳамюртимизнинг иккинчи даврадаги рақибаси турнирнинг 5-ракеткаси россиялик Анастасия Потапова бўлади.