ONE FC: Маъмуржон Ҳамидовнинг ҳам дебюти омадсиз чиқди

Таиланднинг Бангкок шаҳрида муай-тайга асосланган ONE Friday Fights 7 мусобақаси ўтказилмоқда.

Мусобақанинг прелим карди доирасида яна бир ҳамюримиз Маъмуржон Ҳамидов (3-1) ҳам лигадаги илк жангини ўтказди. Унга эронлик Араш Мардани (2-1) рақиблик қилди. Жанг тўлиқ 3 раунд давом этди ва унда ҳакамларнинг якдил қарори билан эронлик Араш Мардани ғалаба қозонди.

Аввалроқ, мазкур мусобақада яна бир ҳамюртимиз — Шаҳриёр Жўраев ҳам ушбу мусобақа доирасида таиландлик Самингдам Луксуанга қарши жанг қилиб, ҳакамларнинг якдил қарори билан мағлубиятга учраган эди.