ONE Fight Night 30. Санжар Зокиров рейтинг етакчиларидан бирини мағлуб этди

Биз учун аҳамиятлиси, оқшом доирасида ўзбекистонлик 21 ёшли аралаш яккакураш устаси Санжар Зокиров ўзининг 15-жангини ўтказди. "Торнадо"га бугунги жангда Жанубий Африка Республикаси вакили Боканг Масуньяне рақиб бўлди. Зокиров минимал вазн тоифаси ONE FC рейтингида бешинчи ўринни эгаллаб турган бўлса, Масуньяне учинчи поғонада қайд этилганди. 

Муросасиз кечган жангда Санжар Зокиров рейтингда ўзидан юқорида турган рақибини ҳакамларнинг якдил қарори эвазига очколар ҳисоби билан мағлубиятга учратди. Бу унинг фаолиятидаги 15-ғалабаси бўлди. Ҳисобида дуранг ва мағлубият йўқ! 

Боканг бугун учинчи мағлубиятини қабул қилиб олди. Ғалабалари 10 талигича қолди. Африкалик спортчи бундан аввалги икки мағлубиятини ONE FC рейтингида иккинчи ўриндаги Жарред Брукс ва учинчи поғонадаги Мансур Малачиевдан қабул қилиб олганди.