Ўнта финиш қайд этилган UFC Fight Night 285 турнирининг бонуслари кимларга насиб этди?

Ташкилотчилар томонидан UFC Fight Night 285 турнирининг бонус соҳиблари эълон қилинди. Оқшомнинг марказий жанги иштирокчилари Энтони Эрнандес ва Грегори Родригес тўлиқ беш раундлик оловли жанг кўрсатиб, "Оқшомнинг энг яхши жанги" учун 100 000 долларлик бонусга ҳақли равишда эга чиқишди.

Ушбу қарама-қаршиликда бразилиялик жангчи зафар қучди. У ҳакамларнинг бир овоздан қабул қилган қарорига кўра (49-46 ва икки марта 48-47) ғалаба қозониб, кетма-кет тўртинчи ғалабасини тантана қилди.

Асосий жангдан ташқари, карддаги яна иккита жанг ҳакамлар қарорига қадар етиб борди. Муддатидан олдин ғалаба қозонган ўн нафар жангчидан фақат иккитаси "Оқшомнинг энг яхши чиқиши" учун бонусга лойиқ кўрилди. Улар иккинчи раундда Мейсон Жонсни техник нокаут эвазига мағлуб этган Маркел Медерос ҳамда биринчи раундда Жейсла Чавесни нокаутга учратган Карли Жудис бўлди.

Муддатидан олдин эришилган ғалабалар учун 25 000 долларлик қўшимча бонуслар Рене де Риддер, Энтони Уинт, Жамалл Эммерс, Шамил Газиев, Крис Падилла, Марсио Барбоза, Жексон МакВей ва Шанел Даерга насиб этди.