24 ноя 12:34
Янгиликлар

Бокс/ММА

Ортис - Уайлдер бокс кечасининг андеркарт жангида ким ғалаба қозонди?

Бугун тонгда АҚШнинг Невада штати Лас-Вегас шаҳридаги MGM Grand аренада профессионал бокс кечаси бўлиб ўтди.

Хабар берганимиздек, оқшомнинг марказий жанги супероғир вазн тоифасида ўтказилиб, унда WВC йўналиши чемпиони, америкалик Деонтей Уайлдер кубалик даъвогар боксчи Луис Ортисни муддатидан аввал нокаутга учратган ҳамда ўз камарини 10-маротаба ҳимоя қилган эди.

Ушбу бокс оқшомининг андеркарт жангида эса мексикалик Лео Санта Круз америкалик Мигель Флоресга қарши рингга чиқди. Тўлиқ 12 раунд давом этган жанг якунида ҳакамла бир овоздан Лео Санта Крузнинг ғалабасини таъминлашди - 115-112, 117-110, 117-110.