Осака "бойкот" эълон қилди, у 1/2 финалда кортга чиқмади

Улар мусобақаларни бекор қилиш, белгиланган учрашувларда қатнашмаслик ҳолатлари билан воқейликка ўз норозиликларини билдиришмоқда. Аввалроқ Миллий баскетбол ассоциацияси плей-офф босқичи доирасидаги учта учрашув айни шу важ билан номаълум муддатга қолдирилганди. 

Энди эса япониялик теннис маликаси Наоми Осака ўз муносабатини "изҳор" қилди. Дунёнинг собиқ биринчи ракеткаси шу кунларда Нью-Йоркда давом этаётган турнирнинг ярим финалида кортга чиқмади. Натижада бельгиялик Элизе Мертенс курашсиз кейинги босқичга йўл олди. 

"Ҳа, мен ярим финалга етиб келдим ва бу босқичда кортга чиқишим керак эди. Аммо, мен ҳам қора танли аёлман, кейин эса спортчи. Қора танли аёл сифатида аминманки, ҳозир менинг ўйинимни томоша қилишдан ҳам муҳимроқ масалалар бор. Биз ҳаммамиз айнан шу нарсага эътибор қаратишимиз лозим", - дея Twitter саҳифасида изоҳ қолдирган Осака.