Осиё чемпионати. 38 ёшли Рустам Ассакалов олтин медаль учун курашади

Бугун мусобақанинг иккинчи куни юнон-рум кураши бўйича қолган бешта вазн тоифасида ғолиб ва совриндорлар номи маълум бўлади. Бироз аввал тажрибали курашчимиз Рустам Ассакалов финал йўлланмасини қўлга киритди. 

-97 кг вазн тоифасида юртимиз шарафини ҳимоя қилаётган Ассакалов чорак финалда япониялик Такахиро Цурудани 10-0, ярим финалда эса қозоғистонлик Санжар Серикканни 8-0 ҳисобида доғда қолдирди. Энди у кечки дастурда эронлик Меҳди Балиҳамзедеҳга қарши Осиё чемпионлиги учун гиламга чиқади.