Осиё чемпионати доирасида Ўзбекистон - Қозоғистон учрашуви бўлиб ўтди

Кеча мусобақанинг иккинчи тури доирасида терма жамоамиз қозоғистонлик рақибаларига қарши баҳс олиб боришди. Биринчи бўлим қизларимизнинг ғалабаси билан якунланган бўлса-да, якунда қозоғистонлик қўл тўпи усталари уч очколик фарқ билан зафар қучишди - 31:28. 

Эслатиб ўтамиз, терма жамоамиз Осиё чемпионатининг гуруҳ босқич биринчи турида Жанубий Кореяга 19:45 ҳисобида ютқазишган эди. Бугун учинчи тур доирасидаги Ўзбекистон - Сингапур учрашуви бўлиб ўтади. 

Гуруҳдаги сўнгги ўйинимиз Гонконг терма жамоасига қарши кечади. Бўлажак икки ўйинда ғалаба қозона олган тақдиримизда, шу йил декабрь ойида Испанияда ўтказиладиган жаҳон чемпионати финал босқичига чиқиш имкониятига эга бўлишимиз мумкин.