07 июн 14:34
Янгиликлар

Самбо

Осиё чемпионатида умумжамоа ҳисобида биринчи ўринни эгаллаган самбочиларимиз Ўзбекистонга қайтиб келишди + ФОТО

Теглар : Самбо

Хабарингиз бор, 2-4 июнь кунлари Ливаннинг Жуния шаҳрида самбо бўйича катталар, ёшлар ва ўсмирлар ўртасида Осиё чемпионати ташкил этилди.

Ушбу мусобақада Ўзбекистон терма жамоаси аъзолари ҳар уччала ёш тоифасида ҳам умумжамоа ҳисобида биринчи ўринни эгаллашди. Терма жамоамиз Осиё чемпионатида умумий ҳисобда 30 та олтин, 11 та кумуш ва 13 та бронза медалини қўлга киритди.

Бугун тунда мусобақада муваффақиятли қатнашган самбочиларимиз Ўзбекистонга қайтиб келишди. Улар Ислом Каримов номидаги Тошкент халқаро аэропортида тантанали кутиб олинди. Кутиб олиш маросимида Ўзбекистон Спортни ривожлантириш вазирлиги мутасаддилари, Ўзбекистон Ички Ишлар вазирлиги вакиллари, Ўзбекистон самбо ассоциацияси раҳбарияти, спортчиларнинг яқинлари ва ОАВ ходимлари қатнашишди.

Осиё чемпионати совриндорлари рўйхати билан Ўзбекистон самбо ассоциациясининг ижтимоий тармоқдаги саҳифаларида танишишингиз мумкин.

Ўзбекистон самбо ассоциацияси матбуот хизмати