Осиё Кубоги-2023 саралаш босқичига қуръа ташланди. Ўзбекистон қайси гуруҳдан жой олди?

Ўзбекистон миллий терма жамоаси ЖЧ-2022 саралаш босқичининг учинчи раундига чиқа олмагани боис, вакилларимиз энди Осиё Кубоги йўлланмаси учун саралаш ўйинларида иштирок этишади. 

Қуръага кўра Сречко Катанец бошчилигидаги Ўзбекистон миллий терма жамоаси Таиланд, Мальдив ороллари ва Шри Ланка билан "C" гуруҳидан жой олди. Бизнинг гуруҳ ўйинлари 8-14 июнь кунлари Наманган шаҳрида бўлиб ўтади.

Осиё Кубогига ҳар бир гуруҳ ғолиблари ва 5та энг яхши иккинчи ўрин соҳиблари йўлланма олишади.

Қуръа натижалари: 

"A" гуруҳи: Иордания, Кувайт, Индонезия, Непал.
"B" гуруҳи: Фаластин, Филиппин, Яман, Мўғулистон.
"C" гуруҳи: Ўзбекистон, Таиланд, Мальдив ороллари, Шри Ланка.
"D" гуруҳи: Ҳиндистон, Гонконг, Афғонистон, Камбоджа.
"Е" гуруҳи: Баҳрайн, Туркманистон, Малайзия, Бангладеш.
"F" гуруҳи: Қирғизистон, Тожикистон, Мьянма, Сингапур.

Олтита мамлакатда ўйинлар шу йилнинг 8-14 июнь оралиғида бўлиб ўтади. 

1-тур. 8 июнь

2-тур. 11 июнь

3-тур. 14 июнь