Осиё Кубоги. Ёшларимиз 14 та вазннинг барчасида чемпион бўлишди

Мусобақанинг сўнгги икки куни ёшлар ўртасида жами 14 та вазн тоифасида ғолиб ва совриндорлар номи маълум бўлди. Қизиғи, барча вазнларда Ўзбекистон терма жамоаси дзюдочилари олтин медални қўлга киритишди. Ҳамюртларимиз 14 та олтин, 11 та кумуш, 21 та бронза, жами 46 та медаль билан умумжамоа ҳисобида биринчи ўринни банд этишди. 

Қирғизистон терма жамоаси 2 та кумуш ва 2 та бронза медали билан иккинчи ўринни эгаллаган бўлса, кучли учликка Тожикистон терма жамоаси 1 та кумуш, 2 та бронза медали билан якун ясаб берди. Қозоғистонлик дзюдочилар 3 та бронза медалига сазовор бўлишди.