Осиё ўйинлари. 12-кунда еттита медаль қўлга киритдик!

Бугун баҳсларда иштирок этадиган ўзбекистонлик спортчиларга оид тезкор янгиликларни ушбу саҳифа орқали кузатиб боришингиз мумкин бўлди. 

Кун якунларига кўра, совриндор спортичиларимиз рўйхати қуйидагича кўрииш олди:

Олтин:

Вадим Меньков (байдарка ва каноэда эшкак эшиш)

Кумуш Юлдашева (кураш)

Шермуҳаммад Жандреев (кураш)


Кумуш:

Дилноза Раҳматова, Нилуфар Зокирова (байдарка ва каноэда эшкак эшиш)

Яҳё Имомов (кураш)

Бронза:

Шаҳриёр Маҳкамов, Шоҳруҳбек Аъзамов (байдарка ва каноэда эшкак эшиш)

Нурислом Тўхтасин ўғли, Серик Мирбеков (байдарка ва каноэда эшкак эшиш)

Гулноза Матниёзова (дзюдо)

16:48. Гулноза Матниёзова хитойлик Я Жуни мағлуб этди ва БРОНЗА медалига сазовор бўлди.

16:15. Бизда навбатдаги олтин ва кумуш! Кураш баҳсларида Шермуҳаммад Жангдреев Яҳё Имомовни мағлуб этди ва олтин медални қўлга киритди. Яҳё эса кумуш медалга эга чиқди

16:02. Кумуш Юлдашева Осиё ўйинларида Ўзбекистон ҳисобига 14-олтин медални тақдим этди! Бу курашчиларимизнинг Осиё ўйинларидаги ўнинчи медали эди!!!

15:33. Кураш. Ҳамюртимиз Шермуҳаммад Жандреев кувайтлик Мисри Ҳусайинни мағлуб этди ва финалга чиқди! Финалда Имомов ва Жандреев ўзаро курашишади. Яъни Ўзбекистон учун олтин ва кумуш медаль нақд. 

15:21. Курашчимиз Яҳё Имомов қозоғистонлик Ерсултан Музаппаровни енгиб финалга чиқди.

15:17. Кураш. Ярим финалда Кумуш Юлдашева тайпеилик курашчини мағлуб этиб финалга чиқди. Финалда ҳамюртимиз мўғулустонлик Отгон Мункхтсетсег билан курашади.

14:26. Трамполинда сакраш бўйича финалда ҳамюртимиз Фарангиз Рўзиева бешинчи ўринни эгаллади.

14:23. Кураш. Ҳамюртимиз Шермуҳаммад Жандреев чорак финалда афғонистонлик спортчини мағлуб этиб ярим финалга чиқди.

Яҳё Имомов чорак финалда туркманистонлик Гувонч Бегалиевни мағлуб этиб ярим финалга чиқди.

Кумуш Юлдашева ярим финалда хитой тайпеилик Янг Хсиентзу билан курашади.

13:26. Кураш. -90 кг вазнда ҳамюртимиз Шермуҳаммад Жандреев туркманистонлик рақибни мағлуб этиб чорак финалга чиқди.

13:23. Кураш. -90 кг вазнда ҳамюртимиз Кумуш Юлдашева илк босқичда индонезиялик рақибасини мағлуб этди. Чорак финалда Кумуш қозоғистонлик Калжан Таижанова билан тўқнаш келади.

13:20. Кураш. -78 кг вазнда ўзбекистонлик Дилроза Бозорова қозоғистонлик курашчига ютқазиб қўйди. 

13:18. Кураш. -90 кг вазнда ҳамюртимиз Яҳё Имомов биринчи босқичда эронлик курашчини таслим қилди. Иккинчи босқичда Имомов ҳиндистонлик спортчидан устун келди ва Яҳё Имомов чорак финалга чиқди.

10:19. Дзюдочимиз Гулноза Матниёзова ярим финалда жанубий кореялик спортчига имкониятни бой бериб қўйди. Энди у бронза медали учун татамига чиқади.

09:40. Шарофиддин Болтабоев ва Ғиёсжон Бобоев чорак финалда имкониятни бой бериб қўйди. Гулноза Матниёзова эса ярим финалга чиқди. 

08:45. Эшкак эшиш. 1000 метрга каноэда эшкак эшган Нурислом Тўхтасин ўғли ва Серик Мирбеков жуфтлиги маррага учинчи бўлиб етиб борди ва БРОНЗА медалини қўлга киритди.

08:38. Дзюдо. Ғиёсжон Бобоев ва Шарофиддин Болтабоев илк жангларида ғалаба қозонишди ва чорак финалга йўл олишди.

08:20. Эшкак эшишнинг жуфтлик баҳсларида 1000 метрга сузган Шаҳриёр Маҳкамов ва Шоҳрух Аъзамовлар БРОНЗА медалига эга чиқишди.

07:13. ОЛТИН МЕДАЛЬ! Вадим Меньков Осиё ўйинларининг тўрт карра чемпиони!!! Ҳамюртимиз Ўзбекистон спорт делегациясига ушбу Осиё ўйинларидаги 13-олтин медални тақдим этди.

06:51. Тошкент вақти билан соат 7:10да Вадим Меньков каноэда 1000метрга эшкак эшиш бўйича стартга чиқади. 

06:45. Эшкак эшиш. 500 метр масофага тўрт кишилик экипажда ўтказилган баҳсларда Ўзбекистон терма жамоаси вакиллари маррага бешинчи бўлиб етиб боришди.

06:34. Эшкак эшиш. Каноэда эшкак эшиш бўйича аёллар ўртасида 500 метр масофага ўтказилган баҳсларда Дилноза Раҳматова/Нилуфар Зокирова тандеми маррага иккинчи бўлиб етиб борди ва КУМУШ медални қўлга киритди.

06:28. Ассалому алайкум. Ўзбекистонлик спортчиларнинг иштирокига бағишланган онлайн матнли трансляциямизни бошлаймиз.

Бугун Осиё ўйинларида иштирок этадиган спортчиларимиз рўйхати:

Дзюдо:

(саралаш ва финал)

-57кг: Амангул Алланазарова
-70кг: Гулноза Матниязова
-73кг: Ғиёсжон Бобоев
-81кг: Шарофиддин Болтабоев

Кураш:

(саралаш ва финал)

-90кг: Шермуҳаммад Жандриев
-90кг: Яҳё Имомов
-78кг: Дилроза Бозорова
-78кг: Кумуш Юлдашева


Трамполин:

(саралаш ва финал)

Амиран Бабаян
Самирбек Усмонов
Фарангиз Рўзиева


От спорти:

(Яккалик)

Нуржан Туякбоев
Оқил Собиржонов


Велоспорт:

(трек)

Мурод Холмуродов (омниум)

Рината Байметова (3 000м)



Байдарка ва каноэда эшкак эшиш:

Шоҳруҳ Аъзамов, Шаҳриёр Маҳкамов (жуфтлик, қайиқ, 1000 м, финал)


А.Тропин, В.Ибрагимов, Ж.Нурматов, А.Мачалов (тўртталик, қайиқ, 500 м, финал)


Вадим Меньков (яккалик, каноэ, 1000 м, финал)


Нурислом Тўхтасин ўғли, Серик Мирбеков (жуфтлик, каноэ, 1000 м, финал)


Екатерина Шубина (яккалик, қайиқ, 500 м, финал)

Дилноза Раҳматова, Нилуфар Зокирова (жуфтлик, каноэ, 500 м, финал)